وش لون قلبك ؟!
قلت : بالحيل جزَّاع ..
وإلى هدا نبضَه ..
تعلَّى به الهمْ !
يمسي و يصبحْ
ياخِذ اشْكال و انْواعْ ،،
و تَضْرِبْ به الأمواج
منْ يمْ .. في يمْ !
الوقت .. حطَّمْ لي
مجاديفْ و شِراعْ !
و سِفينتي
قِدَّام عيني تِـ حـ طَّـ مْ !
ضاعَ الأملْ يا صاحبي ..
- لوْ قلتْ ما ضاعْ ! -
و اقبلْ ظلامَ الياس
و الليل الادهمْ !
الليل يفتحْ جَرْح
و الناس هِجَّاعْ
جرحٍ جرحنيه الذي
كان بلسَمْ !!
أسهرْ ،،
و اداري
و اشْتكي
مُرَّ الأوضاع
القَلْب يَصْرخ
و المشاعِر تِكلَّم ..
أمشي و أنا عَطْشان
في قَفْر الاوْجاع
حافي ..
و رى غيمه ،،
يِمكن تِهَتَّمْ !
أشوفها و افْرح،،
و لَلْبرق سَمَّاع
وليا امطرتْ
هلَّتْ سُمومٍ و علقمْ !
في دَاخلي
قلبٍ شفوقٍ و مِطْواع
لكنْ مَع الشِّدات
ساطي و مِهْتَمْ !
و لابد بعدَ الليل
من نورْ وَ شْعاع
يِجْلى عنا قلبٍ
تعلّى به الهَمْ !
.
كنت اظن اني حبيبك
وان لامن غبت توله
واني في الدنيا نصيبك
واللي عيوني بكوا له
مادريت ان الليالي
غيرت قلبك علينا
وما خطر لحظه في بالي
تنسى كل اللي عطينا
ر و و و و ح روح الله حسيبك
وانا في حالك بـ اسيبك
بس لا يخطر في بالك
اني ارجع لك واجي لك
متابعة الموضوع
